უახლოეს პერიოდში თამბაქოზე აქციზი კიდევ ერთხელ გაიზრდება, თუმცა როდის და რამდენით გაიზრდება აქციზი და შესაბამისად, სიგარეტის ღირებულება, ამ ეტაპზე უცნობია.
საქართველოს ფინანსთა მინისტრის ნოდარ ხადურის განცხადებით, აქციზის ზრდასთან დაკავშირებით, გადაწყვეტილება ჯერჯერობით მიღებული არ არის. თუმცა, მისივე თქმით, ამ საკითხზე მუშაობა მიმდინარეობს.
მინისტრის განცხადებით, მთავრობამ შარშან დაამტკიცა თამბაქოს კონტროლის სტრატეგია, რომელიც ითვალისწინებს აქციზის გადასახადის თანდათანობით ზრდას, მაგრამ ჯერჯერობით რაიმე კონკრეტულის თქმის შესაძლებლობა არ აქვს.
"კომერსანტის" ინფორმაციით, მთავრობაში აცხადებენ, რომ ასოცირების შეთანხმების ფარგლებში გათვალისწინებულია აქციზის თანდათანობითი, ეტაპობრივი ზრდა. მისმა ეფექტმა ბიუჯეტს 60 მილიონი ლარის შემოსავალი უნდა მოუტანოს.
შეგახსენებთ, რომ სიგარეტზე აქციზის განაკვეთი 2013 წლის 1 სექტემბრიდან გაიზარდა. ცვლილებების თანახმად, ერთ ყუთ ადგილობრივი წარმოების და იმპორტირებულ ფილტრიან სიგარეტზე აქციზი 60 თეთრიდან 75 თეთრამდე, ხოლო უფილტრო სიგარეტზე 15 თეთრიდან 20 თეთრამდე გაიზარდა. აქციზის გაზრდის შედეგად სიგარეტზე ფასებმა მოიმატა.
