უკრაინის თავდაცვისა და უშიშროების საბჭოს მდივანი ანდრეი პარუბიი თანამდებობიდან გადადგა. განცხადება ამის შესახებ მან სოციალურ ქსელში თავის გვერდზე დაწერა. ინფორმაციას ამის შესახებ უკრაინული მედია ავრცელებს და აღნიშნავს, რომ პარუბიი თავისი გადადგომის კომენტირებას ქვეყანაში შექმნილი სიტუაციის გამო არ აკეთებს.
„უკრაინის თავდაცვისა და უშიშროების საბჭოს მდივნის თანამდებობიდან გადავდექი. ომის დროს კი ჩემი გადადგომის კომენტირება მიზანშეუწონლად მიმაჩნია. ვაგრძელებ ფრონტისათვის დახმარების გაწევას. პირველ რიგში მოხალისეთა ბატალიონებისათვის. ჩვენ ერთად დავამარცხებ რუს აგრესორს. დიდება უკრაინას",_ დაწერა პარუბიიმ.
უკრაინული მედია აღნიშნავს, რომ ამჟამად კიევში პარუბიისა და უკრაინის პრეზიდენტის შეხვედრა მიმდინარეობს, რომელზეც პრეზიდენტი მის გადადგომას ოფიციალურად მიიღებს.
