ევროკავშირი მზადაა მომავალშც გააგრძელოს „ბოლტების მოჭერა" თუ რუსეთი უკრაინის მიმართ პოლიტიკას არ შეიცვლის. განცხადება ამის შესახებ რადიოსადგურ „DeutscheWelle"-ს ეთერში გერმანიაში ევროკომისიის ოფიციალურმა წარმომადგენელმა რიხარდ კიუნელმა გააკეთა.
რაც შეეხება რუსეთის მუქარას ჩაკეტოს თავისი საჰაერო სივრცე ევროპული ავიაკომპანიების ტრანზიტისათვის, კიუნელის თქმით, ევროკავშირმა შესაძლოა იმოქმედოს „კბილი კბილის წილ".
მისივე თქმით, საჰაერო დერეფნები საერთაშორისო შეთანხმებებით არის დადგენილი და რუსეთი ვალდებულია ისინი დაიცვას.
„ეს კი იმას ნიშნავს, რომ რუსეთს ცალმხრივად არ შეუძლია რაღაც ზომების მიღება ისე, რომ საერთაშორისო სამართალი არ დაარღვიოს.
„საერთაშორისო სამართალი ასევე ითვალისწინებს ე.წ. შურისძიების ინსტრუმენტის გამოყენებას - ტოლფასი ზომების გამოყენებას. ევროკავშირს შეუძლია ყოველგვარი ხანგრძლივვადიანი სასამართლო პროცესების გარეშე საპასუხოდ უბრალოდ დახუროს ცა რუსული ავიაკომპანიებისათვის და იმოქმედოს პრინციპით „თვალი თვალის წილ, კბილი კბილის წილ", _ აღნიშმავს კიუნელი.
მასალის გამოყენების პირობები