რუსული მედია მოსკოვის მეტროში მომხდარი აფეთქების დროს დაშავებულთა სიას აქვეყნებს. სია არასრულია და იმ ადამიანების მონაცემებს ასახავს, რომლებიც ამ დროისათვის მოსკოვის სხვა და სხვა საავადმყოფოებში არიან გადაყვანილნი. სიის მიხედვით, დაშავებულთა შორის არც ერთი ქართველი ეროვნების მოქალაქე არ არის.
აღსანიშნავია, რომ დაშავებულთაგან უმეტესობა საავადმყოფოების რეანიმაციულ განყოფილებაში იმყოფება და მათი მდგომარეობა საკმაოდ მძიმეა.
ასევე აღსანიშნავია, რომ დაშავებულთა სამედიცინო დაწესებულებებში ტრანსპორტირება ამჟამადაც გრძელდება. ეს პროცესი ვერტმფრენებით ხორციელდება, რადგან მოსკოვის ცენტრალურ ნაწილში გზები ამ დრომდე პარალიზებულია.
ცნობისათვის, რამდენიმე წუთის წინ გავრცელებული ინფორმაციით, აფეთქება მოსკოვის კიდევ ერთ, მესამე, მეტროსადგრში "პროსპექტ მირაში" მოხდა. თუმცა ოფიციალურად ეს ინფორმაცია ჯერ ჯერობით არ დასტურდება.
