მოსკოვის მეტროში დღეს დილით ორი აფეთქება მოხდა, რასაც, წინასწარი ინფორმაციით, 32 ადამიანის სიცოცხლე ემსხვერპლა.
დაღუპულთა შორის არიან როგორც მეტროს მატარებელში, ისე სადგურის პლატფორმაზე მყოფი მოქალაქეებიც.
ასაფეთქებელი მოწყობილობები დაახლოებით ნახევარი საათის ინტერვალით მეტროსადგურებში "კულტურის პარკსა" და "ლუბიანკა" ამოქმედდა.
გარდაცვლილების გარდა არიან დაშავებულები. ამ დროისთვის მოსკოვის სხვადასხვა საავადმყოფოში 20-ზე მეტი მოქალაქეა გადაყვანილი.
მომხდარის გამო აღნიშნული მეტროსადგურების მიმდებარე ტერიტორიებზე გზები გადაკეტილია. ადგილზე სახანძრო სამსახურის, სასწრაფო სამედიცინო დახმარებისა და მილიციის თანამშრომლები არიან მობილიზებული. მხოლოდ მეტროსადგურ "კლუბიანკასტან" 207 მაშველი მუშაობს. ადგილზე 59 ერთეული სპეცტექნიკაა მობილიზებული.
ჯერჯერობით არ მომხდარა შემთხვევის ადგილიდან მიცვალებულთა გამოყვანა და გადარჩენილთა ევაკუაცია.
