აჭარაში წელს ახალი ეროვნული ტყე-პარკის შექმნა იგეგმება. მაჭახელას დაცული ტერიტორიის მოწყობა 2011 წლამდე უნდა დასრულდეს.
ახალი ტყე-პარკის შექმნა მტირალას ეროვნული პარკის მოდელზე მოხდება. იქ არსებული ინფრასტრუქტურა და საოჯახო სასტუმროები დღეს პარკის ხელმძღვანელმა და ხელვაჩაურის საკრებულოს თავმჯდომარემ მაჭახელას მცხოვრებლებს დაათვალიერებინეს.
მაჭახელას პარკის შექმნასთან დაკავშირებით ადგილობრივი საკრებულოს ინიციატივით შესაბამისი კანონპროექტი უკვე მომზადებულია და ის საქართველოს პარლამენტს უახლოეს მომავალში წარედგინება.
"ვფიქრობ, მტირალას ეროვნულ პარკთან შედარებით მაჭახელას ეროვნულ პარტს, თუკი ის შეიქმება, მისი გეოგრაფიული მდგომარეობიდან გამომდინარე უფრო დიდი პოტენციალი ექნება, რადგან აქ მეტია ისტორიული ძეგლები და სანახაობა", - აცხადებს ხელვაჩაურის საკრებულოს თავმჯდომარე როინ მალაყმაძე.
