აშშ-ს თავდაცვის დეპარტამენტმა ოფიციალური განცხადება გამოაქვეყნა. დეპარტამენტმა კონგრესს იმ ქვეყნების სია წარუდგინა, რომლებმაც მიმდინარე წელს სპეციალური ფინანსური დახმარება უნდა მიიღონ.
ეს ქვეყნებია: საქართველო, ხორვატია, ესტონეთი, ლიტვა, უნგრეთი, ლატვია, იემენი და ფილიპინები. აქედან - საქართველოს, ხორვატიის, ესტონეთის, ლიტვის, უნგრეთისა და ლატვიისთვის დახმარება ავღანეთის სამშვიდობო მისიისთვის წვრთნისა და აღჭურვის გაუმჯებესებას გულისხმობს. იემენმა და ფილიპინებმა კი ქვეყნის შიგნით სამხედრო შესაძლებლობების გაძლიერებაზე უნდა იზრუნონ. საქართველოს თავდაცვის მინისტრის მოადგილის ნიკოლოზ ვაშაკიძის განცხადებით -"დახმარება, რომელზეც აშშ-ს თავდაცვის დეპარტამენტის განცხადებაშია საუბარი, ავღანეთში მიმდინარე სამშვიდობო მისიის წვრთნასა და აღჭურვას გულისხმობს. ეს არის დახმარება, რომელიც სამშვიდობო მისიის წარმატებით ჩატარებას უნდა მოხმარდეს." თავდაცვის მდივანმა რობერტ გეითსმა 22 მარტის წერილში კონგრესს აცნობა, რომ მიმდინარე წელს შეერთებული შტატები სხავადასხა ქვეყანაში 10 პროგრამას დააფინანსებს.
