"ომი არ დასრულებულა ის უბრალოდ სხვა სიბრტყეში გადავიდა, თან არა ცივი, არამედ თბილი ომის სიბრტყეში", _ განაცხადა დღეს რუსეთის დუმაში საქართველოს ოკუპირებული რეგიონების ე. წ. სახელმწიფო საზღვრების დაცვის შესახებ ხელშეკრულების განხილვის დროს სიტყვით გამოსვლისას დუმის დეპუტატმა სემიონ ბაღდასაროვმა.
"უნდა შევქმნათ ბრძოლისუნარიანი შეიარაღებული ძალები აფხაზეთში და მისი ფორმირება უნდა მოხდეს არა ძველი არამედ ახალი ინვენტარით. ასევე უნდა ვაწარმოოთ კონტრპროპაგანდა და იგი უნდა გავრცელდეს ჯანსაღ ძალებზე და ეროვნულ უმცირესობებზე, რომლებიც საქართველოში ცხოვრობს. საქართველოს პარლამენტი ჩრდილოეთ კავკასიის ფედერალურ სუბიექტებთან მეგობრობის პირდაპირ გზებს ეძებს, თუმცა ვისთან აპირებს მეგობრობას, გაურკვეველია. ეს ტერორისტული სახელმწიფოა და ამ სახელმწიფოს ტერიტორიიდან საფრთხე გველის", _ განაცხადა სემიონ ბაღდასაროვმა.
