"სახალხო დემოკრატების" ლიდერის, თბილისის მერობის კანდიდატ ნიკა ივანიშვილის აზრით, ემიგრაციაში მყოფი არც ერთი ქართველი საქართველოში ინვესტიციებს არ ჩადებს. ასე ეხმაურება ივანიშვილი ეკონომიკის სამინისტროსა და დიაპოსპორის საკითხებში სახელმწიფო მინისტრის აპარატის ერთობლივ პროგრამას, რომლითაც სწორედ უცხოეთში მცხოვრები ქართველებისგან საქართველოში 500-600 მილიონი დოლარის ინვესტიციის მოზიდვაა ნავარაუდევი. "თავის დროზე, უამრავი ქართველი აქედან სწორედ იმის გამო წავიდა, რომ საკუთარ სამშობლოში არც სამსახური გააჩნდა და არც არაფერი. ახლა მათი ნაწილი უცხოეთში არაადამიანურად შრომობს, რომ კაპიტალი დააგროვოს. ეჭვი მეპარება მეწარმეების მიმართ არსებული არაჯანსაღი დამოკიდებულების დროს საზღვარგარეთ მოღვაწე რომელიმე ქართველმა საქართველოში ინვესტიციები ჩადოს", - განუცხადა ივანიშვილმა ჟურნალისტებს აღნიშნულ საკითხზე კომენტირებისას. შეგახსენებთ, რომ აღნიშნული პროგრამა საქართველოს ეკონომიკის 2010 წლის მთავარ პრიორიტეტად დასახელდა.