სამი მოზარდის მკვლელობა შესაძლოა ახლო აღმოსავლეთში ახალი დაძაბულობის საბაბი გახდეს. მიუხედავად მოწოდებებისა არ გაკეთოს ნაადრევი დასკვნები ისრაელმა სრული პასუხისმგებლობა მოზარდების მკვლელობისა პალესტინურ მოძრაობა „ჰამასს" დააკისრა და ისრაელის ავიაციამ ისლამისტების ობიექტებზე ავიაიერიშები მიიტანა.
ამას გარდა, ვრცელდება ინფორმაცია იმის შესახებ, რომ ისრაელი „ჰამასის" მიერ კონტროლირებად ღაზას სექტორში ოპერაციას ამზადებს.
თავის მხრივ ისლამისტები აცხადებენ, რომ ფართომასშტაბიანი თავდასხმების შემთხვევაში ისინი ისრაელს „ჯოჯოხეთის კარს" გაუხსნიან.
დღეს დილით ისრაელის სამხედრო-პოლიტიკური კაბინეტი სხდომა ჩატარდა. არსებული ინფორმაციით, სხდომის მონაწილეებმა, საკვანძო მინისტრებმა ჯერ ვერ მიიღეს გადაწყვეტილება იმის შესახებ თუ რა პასუხი უნდა გასცენ პალესტინელებს მოზარდების მკვლელობის გამო.
სხდომა მოზარდების დაკრძალვის ცერემონიალის დასრულების შემდეგ გაგრძელდება.
„ჰამასია" ამაზე პასუხისმგებელი და ის პასუხს აგებს",_ განაცხადა ისრაელის პრემიერ-მინისტრმა ბენიამინ ნეთანიაჰუმ.
