პოლონეთიდან საქართველოს მოქალაქეების მორიგი დეპორტაცია იგეგმება. პოლონეთის საემიგრაციო ბანაკებში მყოფი საქართველოს 10 მოქალაქე თბილისში 30 მარტს ჩამოვა.
"დეპორტირებული იქნება საქართველოს 10 მოქალაქე. ამ მიზნისთვის დაქირავებულია სპეციალური რეისი _ ვარშავა-ვენა-ერევანი-თბილისის მიმართულებით. პოლონური მხარის ინფორმაციით ამ რეისით დეპორტირებული იქნებიან არა მარტო საქართველოს მოქალაქეები და არა მარტო პოლონეთიდან, არამედ სხვა ქვეყნის მოქალაქეები, რომლებიც დაკავებულნი არიან მათ შორის ავსტრიაშიც", _ აცხადებს საქართველოს საგანგებო და სრულუფლებიანი ელჩი პოლონეთში კონსტანტინე ქავთარაძე.
პოლონური მხარის ინფორმაციით, მათთან ერთად დეპორტირებული იქნებიან სხვა და სხვა ქვეყნის მოქალაქეები, მათ შორის სომხები.
