აშშ-ის ელჩი საქართველოში ჯონ ბასი იმედს გამოთქვამს, რომ ადგილობრივი თვითმმართველობის არჩევნების შედეგად ნდობის ხარისხის გაუმჯობესდება. ამის შესახებ ბასმა დღეს საქართველოს ცენტრალურ საარჩევნო კომისიაში გამართულ შეხვედრაზე განაცხადა.
"იმედს მაქვს, რომ ადგილობრივი თვითმმართველობის არჩევნების შედეგად ნდობის ხარისხის გაუმჯობესება მოხდება როგორც საერთაშორისო, ისე ქართული საზოგადოებისთვის. მნიშვნელოვანია, რომ უზრუნველყოფილი იყოს გამჭვირვალობა იმ პროცესებთან დაკავშირებით, რომელსაც არჩევნები მოიცავს. ყოველივე ამის მისაღწევად ცესკო სათანადოდ მოემზადება", - აღნიშნა ბასმა.
ამასთან, ცესკოს თავმჯდომარის ზურაბ ხარატიშვილის განცხადებით, ამერიკელ დიპლომატებთან ცესკოს წარმომადგენლებმა არჩევნების სამართლიანად ჩატარების მნიშვნელობაზე ისაუბრეს.
"ხაზი გაესვა იმას, თუ რამდენად მნიშვნელოვანია არჩევნების მიმართ საზოგადოებაში ნდობის აღდგენა, რაც არჩევნების გამჭვირვალედ ჩატარებით მიიღწევა", - აღნიშნა ხარატიშვილმა.
დღევანდელ შეხვედრაზე ჯონ ბასი ცესკოს 2010-2011 წლის სტრატეგიას გაეცნო.
