17 ივნისს საქართველოს ეკონომიკისა და მდგრადი განვითარების მინისტრის პირველმა მოადგილემ დიმიტრი ქუმსიშვილმა და მინისტრის მოადგილემ ქეთევან ბოჭორიშვილმა საერთაშორისო კომპანიის Jumeirah Group დელეგაცია მიიღეს, რომელიც საქართველოში ადგილობრივი ტურისტული პოტენციალის შესასწავლად და აღნიშნულ სექტორში შესაძლო ინვესტირების მიზნითაა ჩამოსული.
საერთაშორისო კომპანია Jumeirah Group-ი წარმოადგენს ერთ-ერთ წამყვან საერთაშორისო სასტუმროების ქსელს, რომლის სათაო ოფისი დუბაიში მდებარეობს და დუბაის ჰოლდინგის შემადგენლობაში შედის. მათ ტურიზმის ბიზნესი აქვთ ისეთ წამყვან ქვეყნებში, როგორიცაა იტლია, დიდი ბრიტანეთი და ა.შ. Jumeirah Group გეგმავს საკუთარი ბიზნესის გაფართოებას და მუშაობს პროექტებზე შემდეგ ქვეყნებში: ინდოეთი, არაბეთის გაერთიანებული ემირატები, ტაილანდი, მაროკო და სხვა.
კომპანიის Jumeirah Group-ს დელეგაცია საქართველოში 20 ივნისამდე დარჩება და გამართავს შეხვედრებს საქართველოს სამთავრობო და კერძო სექტორის წარმომადგენლებთან. ვიზიტის ფარგლებში ასევე დაათვალიერებენ ქალაქ ბათუმს, ბორჯომს და შეისწავლიან წყალტუბოს კურორტის პოტენციალს.
