11 ივნისს ჟურნალი "ავერსი" 10 წლის იუბილისადმი მიძღვნილ საღამოს მართავს. ათი წელია ჟურნალი "ავერსი" ყოველთვიურად აცნობს თავის მკითხველს სამედიცინო სიახლეებს, დაავადებათა მკურნალობისა და პროფილაქტიკის უახლეს მეთოდებს, და რაც მთავარია, ურჩევს, თუ როგორ შეინარჩუნონ ცხოვრების ჯანსაღი წესი.
იუბილეზე მოწვეულნი არიან ჟურნალის ყველაზე აქტიური მკითხველები, სამედიცინო საზოგადოება და ჟურნალისტები.
საიუბილეო საღამოზე დაჯილდოების ცერემონიალიც გაიმართება - ჟურნალი ყველაზე აქტიურ და ყველაზე ნორჩ მკითხველებს დააჯილდოვებს. სამახსოვრო პრიზები იმ მოწვეულ ექიმებსაც გადაეცემათ, რომლებიც ამ ათი წლის განმავლობაში ჟურნალთან აქტიურად თანამშრომლობდნენ.
საღამოს წარუძღვება ჟურნალის დამფუძნებელი, ბატონი პაატა კურტანიძე და ასევე ჟურნალის მთავარი რედაქტორი.
