ჰუმანიტარული დახმარების დიდი ნაწილი, რომელიც რუსეთის 20 -მა რეგიონმა ოკუპირებული ყირიმის მოსახლეობას გაუგზავნა მოიპარეს. განცხადება ამის შესახებ ყირიმის ე.წ. რესპუბლიკის ე.წ. ხელმძღვანელმა სერგეი აკსენოვმა ე.წ. მინისტრთა საბჭოს სხდომაზე გააკეთა.
„მინდა ვუთხრა იმ ამხანაგებს, რომლებმაც ხელი ასწიეს იმ ჰუმანიტარულ ტვირთზე, რომელიც ყირიმში რესპუბლიკისათვის ამ მძიმე პერიოდში გაიგზავნა ის, რომ ისინი კი არ იმუშავებენ, ისინი ყველა სასამართლოში წავლენ, ხოლო ჩინოვნიკები, რომლებიც ამაზე იყვნენ პასუხისმგებელი სამუშაო ადგილებს დატოვებენ",_ განაცხადა აკსენოვმა.
ცნობისთვის, ყირიმში ჰუმანიტარული დახმარება რუსეთის 20-მა რეგიონმა გააგზავნა. ეს იყო მედიკამენტები, პროდუქტები, დიზელი და ტექნიკა. ტვირთის წონა 1.8 ათასი ტონა იყო.
მასალის გამოყენების პირობები