საქართველოს პრემიერ-მინისტრი ირაკლი ღარიბაშვილი, საქართველოს კათოლიკოს-პატრირქთან ერთად, ბარისახოს ღვთისმშობლის მიძინების ტაძარს ესტუმრა. უწმინდესმა და უნეტარესმა ილია მეორემ საგანგებო ლოცვა აღავლინა და ტაძარს წმინდა დავით აღმაშენებლის ხატი გადასცა.
საპატიო სტუმრებს მამა იოსებ გაჩავამ უმასპინძლა. მან პრემიერს პირაქეთა ხევსურეთში მოქმედი პირველი მართლმადიდებლური ეკლესია დაათვალიერებინა.
"სასიხარულოა აქ ყოფნა, დღეს ძალიან მნიშვნელოვანი დღეა, ამ ლამაზი კუთხის აღორძინება უნდა მოხდეს. წლების განმავლობაში იცლებოდა ხევსურეთი. პატრიარქის კურთხევით ყველაფერს გავაკეთებთ, რათა მოხდეს ხევსურეთის გაძლიერება,"- განაცხადა ირაკლი ღარიბაშვილმა.
მასალის გამოყენების პირობები
