დღეს,5 ივნისს, ბიზნესომბუდსმენი გიორგი გახარია შპს „მედიგრუპ ჯორჯიას" ხელმძღვანელობას შეხვდება. სააგენტო „ჯი-ეიჩ-ენის" მიერ პრემიერ- მინისტრისთვის პრესკონფერენციაზე დასმული კითხვის საპასუხოდ ირაკლი ღარიბაშვილმა ინვოესტორისთვის პრობლემის გადაწყვეტისათვის საჭიროდ მიიჩნია ბიზნესობუდსმენის და კომპანიის წარმომადგენელთა შეხვედრა.
„კომპანიამ ჩვენ დაახლოებით 7-8 თვის უკან მოგვმართა და მაშინ პრობლემა იყო აბსოლიტურად სულ სხვა. იყო პრობლემები, რომელიც ინვესტიციის განხორციელებას აფერხებდა, იყო გარემოს დაცვის სამინისტროდან ტყის ფონდთან დაკავშირებით გადასაჭრელი საკითხები. საქმეში ჩვენ ჩავერთეთ, შევხდით მხარეებს. გარემოს დაცვის სამინისტროსთან პრობლემა იმ პერიოდში ფაქტობრივად გადაწყდა და შედეგად მივიღეთ ის, რომ კომპანიამ გააგრძელა ინვესტიციის განხორციელება და მათ აღარანაირი პრობლემა აღარ ქონდათ. დღეის მდგომარეობით, ის ინფორმაცია რაც იქ გაჟღერდა, რაღაც პრობლემები თუ შეექმნათ სახელმწიფოს მხრიდან ეს ფაქტი ჩვენ არ გვაქვს. კომპანიას ვიცნობ და ძალიან კარგი კომპანიაა და პროექტში გარკვეული ინვესტიციები უკვე ჩადებული აქვს და როგორც ვიცი ინვესტირებას აგრძელებს. თეორიულად ვუშვებთ, რომ იქ იყოს შესაძლოა დაპირისპირება ფიზიკური პირების დონეზე, მაგრამ სახელმწიფოს მხრიდან იქ არანაირ ჩარევა, ჩართულობა, რომ რომელიმე სახელმწიფო ორგანო კომპანიის ინვესტიციის განხორციელებაში ხელს უშლიდეს, ამაზე ჩვენ ინფორმაცია გვაქვს და დარწმუნებული ვარ, არც იქნება. თუ რაღაც პრობლემაა ფიზიკური პირების დონეზე, ან ვიღაცა რაღაც ფორმატში სახელმწიფოს სახელს იყენებს, ამისათვის გვქნება შეხვედა და ინფორმაციაც სრულყოფილი გვექნება. შესაბამისად იმ ეტაპზე როდესაც მათ პრობლემები ქონდათ, ჩვენ ამის შესახებ ვიცოდით და მოგვარებაშიც დავეხმარეთ და მათ გააგრძელეს მუშაობა", - განუცხადა „ჯი-ეიჩ-ენს" ბიზნესომბუდსმენმა.
აღნიშნულ საკითხზე კომენტარი გააკეთა "მედგრუპ ჯორჯიას" გენერალურმა დირექტორმა მირიან ამირანაშვილმა.
"GHN-ის კორესპონდენტის მიერ დასმულ შეკითხვაზე პრემიერმა განაცხადა, რომ კომპანიას შეუძლია დაურეკოს ბიზნესომბუდსმენს, რომელიც შეეცდება "მედგრუპ ჯორჯიას" უფლებების დარღვევის შესახებ მეტი მოახსენოს პრემიერ-მინისტრს ანდა შეხვედრა უზრუნველყოს. ჩვენ დავრეკეთ გიორგი გახარიასთან და რასაკვირველია ვაცნობეთ ამის შესახებ. მისი დაპირებით, საკითხის განხილვა ორი დღის შუალედში შედგება, ჩვენც ველოდებით!" - განაცხდა მირიან ამირანაშვილი.
შეგახსენებთ, რომ ახალი ამბების სააგენტო ,,ჯი-ეიჩ-ენი" კიდევ ერთხელ დაინტერესდა გარდაბნის მაჟორიტარი დეპუტატის გიორგი ფეიქრიშვილის საქმინაიბით, რომლის ინტერესები წავკისის გამაჯანსაღებელ კომპლექსთან დაკავშირებით იკვეთება, რის გამოც შესაძლოა ინვესტორმა ,,მედგრუპ ჯორჯიამ" საქართველო დატოვოს. აღნიშნულთან დაკავშირებით, ,,ჯი-ეიჩ-ნმა" პრემიერ ღარიბაშვილს პრესკონფერენციაზეც მიმართა და საკითხით დაინტერესებისკენ კიდევ ერთხელ მოუწოდა.
,,მინდა საჯაროდ მიმვმართო ამ ინვესტორს დღესვე, ახლავე დაუკავშირდეს ბიზნესომბუდსმენს ბატონ გიორგი გახარიას, თუ თქვენ შეგიძლიათ იქნებ დააკავშიროთ. შევხვდებით და მოვისმენთ მათ რა პრეტენზიები აქვს, თუ რაიმე კანონდარღვევას აქვს ადგილი რეაგირებას აუცილებლად მოვახდენთ", _განაცხადა ღარიბაშვილმა ,,ჯი-ეიჩ-ენის" კითხვის საპასუხოდ.
,,ჯი-ეიჩ-ენმა" გიორგი ფეიქრიშვილის საქმინობით დაინტერესება პრემიერ-მინისტრის ჯერ კიდევ 16 იანვარს გამართულ პრესკონფერენციაზე სთხოვა და მიიღო პირობა, რომ შეისწავლიდა აღნიშნულ საქმეს. დღეს, გამართულ პრესკონფერენციაზე კი ღარიბაშვილმა განმარტა რომ ,,მაშინ მოკითხე და არაფერი არ დაფიქსირდა".
