ქუთაისში, სამსართულიანი სახლის აივნის ჩანინგრევას ერთი ადამიანი ემსხვერპლა.
37 წლის კახა მაღლაფერიძე აივანზე 16 წლის შვილთან ერთად იდგა, როცა მან ჩამოშლა დაიწყო. გოგონა სხვადასხვა დაზიანებებით საავადმყოფოშია გადაყვანილი. მისი ჯანმრთელობის მდგომარეობა სტაბილურია.
მაგდა მაღლაფერიძის მკურნალობის ხარხებს ადგილობრივი თვითმმართველობა გაიღებს.
ქუთაისის მერის გიორგი თევდორაძის განცხადებით, სახლი ავარიული იყო, თუმცა მისი ავარიულობის შესახებ ქალაქის მერიაში შესაბამისი მიმართვა არ ყოფილა.
მისივე განმარტებით, სახლი დაახლოებით ერთი საუკუნისაა და მასში 8 ოჯახი ცხოვრობს.
"დავიწყებთ მუშაობას იმ მიმართულებით, რომ სახლის გამაგრებითი სამუშაოების დაწყება დროულად მოხდეს", - აცხადებს ქუთაისის მერი.
