ე.წ. სამხრეთ ოსეთის ბეჭდვისა და ინფორმაციის კომიტეტის ინფორმაციით, ხვალ "საქართველოს მიერ გატაცებული სამხრეთ ოსეთის მოქალაქეების - ალან ხუგაევის, ალან ხაჩიროვის და სოლტან ფლიევის მშობლები ჩვენებების მისაცემად გორში გაემგზავრებიან".
კოკოითის კრიმინალური მთავრობის ე.წ. ადამიანის უფლებების დამცველი დავიდ სანაკოევი აცხადებს, რომ ე.წ. სამხრეთ ოსეთის მოქალაქეების მშობლები ჩვენებებს საქართველოს სამართალდამცავი ორგანოებს თანამშრომლებს მისცემენ. მან ასევე აღნიშნა, რომ "საქართველოს ტერიტორიაზე" მათ ევროსაბჭოს წარმომადგენლები გააცილებენ.
"მათთან ერთად ასევე იქნებიან ევროსაბჭოს ის ექსპერტები, რომლებიც ამჟამად ცხინვალში მუშაობენ", _ აცხადებს სანაკოევი.
სეპარატისტთა ინფორმაციის კომიტეტი ასევე იუწყება, რომ ალან ხუგაევის, ალან ხაჩიროვის და სოლტან ფლიევის ტყვედ ყოფნას ქართული მხარე კატეგორიულად უარყოფს.
