სოფლის მეურნეობის მინისტრის ბაკურ კვეზერელის განცხადებით, რუსული ბაზრის გახსნა გარდაუვალი პროცესია.
"რუსული ბაზრის გახსნა გარდაუვალი პროცესია, რადგან ქვეყანაში ქართულ პროდუქციაზე, მათ შორის ბოსტნეულზე დიდი მოთხოვნაა", - განაცხადა კვეზერელმა დღეს, იმერელ მეწარმეებთან შეხვედრაზე.
ფერმერებთან შეხვედრის ერთ-ერთ თემას სწორედ სასაქონლო-მეურნეობები და მათი პრობლემები წარმოადგენდა.
მინისტრმა მეწარმეებს პირობა მისცა, რომ ევროპის ქვეყნების ბაზრების ათვისებაში დაეხმარება.
ამასთან, კვეზერელის განმარტებით, ქვეყანაში არსებობს ფერმერთა ასოციაცია, რომელში გაწევრიანებაც მან იმერელ ფერმერებსაც შესთავაზა.
"ეს ორგანიზაცია მეწარმეებს ქართული ბოსტნეულის უცხოურ ბაზარზე გატანაში დაეხმარება. ეს ბუნებრივია, გაზრდის ექსპორტს, რაც მნიშვნელოვანია", - განაცხადა კვეზერელმა.