ევროსაბჭო რუსეთის მიერ ნაკისრი ვალდებულებების მონიტორინგისთვის საგზაო რუკის შექმნას აპირებს.
ამის შესახებ ევროსაბჭოს საპარლამენტო ასამბლეის მონიტორინგის კომიტეტის წევრმა ანდრიას გროსმა მოსკოვში, სათათბიროს სპიკერ ბორის გრიზლოვთან შეხვედრისას განაცხადა.
"ჩვენ გვინდა რუსეთზე მონიტორინგის პროცესი ახალ ხარისხში გადავიყვანოთ", - განმარტა მან.
შეგახსენებთ, რომ 2008 წლის ოქტომბერში ევროსაბჭომ რუსეთს საკუთარი საჯარისო შენაერთების საქართველოს ტერიტორიიდან გაყვანა მოსთხოვა, რაც მოსკოვს ამ დრომდე არ შეუსრულებია.
ევროსაბჭოს ამ ინიციატივას გამოხმაურება უკვე მოჰყვა ოფიციალურ თბილისში. ქართველი კანონმდებლების შეფასებით, საგზაო რუკის შექმნა მნიშვნელოვანია, რათა მოსკოვმა ყველა ის ვალდებულება შეასრულოს, რომელიც საერთაშორისო თანამეგობრობის წინაშე აქვს აღებული.