უკრაინული მედიის ინფორმაციით, დონეცკში პუტინის წარმომადგენელი ვლადიმერ ლუკინი ჩადის, რომელიც 2014 წლამდე რუსეთის ფედერაციაში ადამიანის უფლებების საკითხებში რწმუნებული იყო. განცხადება ამის შესახებ ჯგუფ „საინფორმაციო წინააღმდეგობის" ოპერატიულ მონაცემებზე დაყრდნობით ჯგუფის ხელმძღვანელმა დიმიტრი ტიმჩუკმა გააკეთა.
გავრცელებული ინფორმაციით, დელეგაციის ჩამოსვლის შესახებ უკრაინის საგარეო საქმეთა სამინისტროს არაფერი აცნობეს.
„ჩვენი მონაცემებით, დელეგაციის მიზანია გააკეთონ ხმამაღალი განცხადებები „ადამიანის უფლებების უუხეშესი დარღვევის შესახებ" უკრაინის ხელისუფლების მხრიდან ქვეყნის აღმოსავლეთ ნაწილში",_ აცხადებს ტიმჩუკი.