დღეს, 22 აპრილს, 17:00 საათზე მიხეილ სააკაშვილის საპრეზიდენტო ბიბლიოთეკა გაიხსნება. წინასწარი ინფორმაციით, ბიბლიოთეკის გახსნის ცერემონიალის დროს სტუმრებს მიხეილ სააკაშვილი ვიდეოჩართვის საშუალებით მიმართავს.
როგორც საქართველოს პირველი პრეზიდენტი Facebook-ში საკუთარ გვერდზე წერს, პირველი საპრეზიდენტო ბიბლიოთეკა ევროპაში, რომელიც აშენდა რეკორდულ დროში მიხეილ სააკაშვილის საპრეზიდენტო ვადის ამოწურვის შემდეგ. ბიბლიოთეკა თბილისის ცენტრში მდებარეობს, შენობა ხუთსართულიანია და მოიცავს სტუდენტურ კაფეს, ორ ღია ტერასას, საკონფერენციო დარბაზს და სხვადასხვა სასწავლო პროგრამებს.
"ბიბლიოთეკაში განთავსებულია წიგნები პოლიტოლოგიის, არქეოლოგიისა და დიზაინის მიმართულებებზე", - ნათქვამია Facebook-ში ექსპრეზიდენტის ოფიციალიურ გვერდზე გამოქვეყნებულ ინფორმაციაში.
მიხეილ სააკაშვილმა ასევე დააფუძნა საერთაშორისო ლიდერთა ინსტიტუტი ვაშინგტონში და ანალოგიური ფონდი კიევში, როგორც თბილისის საპრეზიდენტო ბიბლიოთეკის ფილიალები.
ბიბლიოთეკის შენობის არქიტექტურული პროექტი სააკაშვილს ცნობილმა არქიტექტორმა იურგენ მაიერმა აჩუქა, პროექტის თანაავტორია ლადო აბრამიშვილი. ბიბლიოთეკა საბურთალოს რაიონში მდებარეობს.
