საქართველოს პრემიერ-მინისტრი კომპანია LAZARD-ის აღმასრულებელ დირექტორს, მატიე პიგასის შეხვდა
Lazard არის წამყვანი დამოუკიდებელი საფინანსო-საკონსულტაციო და აქტივების მართვის კომპანია, რომელიც დაარსდა 1848 წელს, ახორციელებს სამიანობას 26 ქვეყნის 40 ქალაქში. მისი სათაო ოფისები კი მდებარეობს ნიუ-იორკში, პარიზსა და ლონდონში. კომპანიის შემოსავალმა 2012 წლის 1971 მილიონი აშშ დოლარი შეადგინა.
შეხვედრაზე განხილული იყო საქართველოში არსებული ბიზნეს-გარემო. მსოფლიო ბანკისა და საერთაშორისო საფინანსო კორპორაციის 2014 წლის „ბიზნესის წარმოების ანგარიშის" თანახმად, საქართველო მე-8 ადგილზეა 189 ქვეყანას შორის „ბიზნესის წარმოების სიმარტივის" კრიტერიუმის მიხედვით. საქართველოს რეიტინგი ახლოს დგას ისეთი ქვეყნების მონაცემებთან, როგორებიცაა, მაგალითად, აშშ, სინგაპური, დანია, ნორვეგია და დიდი ბრიტანეთი. საფუძვლიანი რეფორმების გატარების შედეგად, საქართველო ინვესტორებს სთავაზობს ლიბერალურ საგადასახადო სისტემას - დაბალი გადასახადების მხოლოდ ექვსი ფიქსირებული ტიპს.
პრემიერ-მინისტრმა კომპანიის დირექტორს საქართველოსადმი გამოჩენილი ინტერესის გამო მადლობა გადაუხადა და მზადყოფნა გამოთქვა მხარი დაუჭიროს LAZARD-ის შესაძლო ინვესტიციებს საქართველოში.