იმიჯ ცენტრის ხელმძღვანელის, ია კიწმარიშვილის განცხადებით,
სპეციალისტები უკვე მუშაობენ ვებ-გვერდის აღსადგენად, თუმცა ჯერ-ჯერობით არ არის დადგენილი თუ საიდან განხორციელდა კიბერშეტევა.
როგორც ცნობილია, კომპანია "ემ ეს ჯი მარკეტინგის" მიერ დამზადებულ ღონისძიების ახალ ვებ გვერდზე განთავსებულია სილამაზის კონკურსის "მის საქართველო"-ს მიმდინარეობის ამსახველი ვიდეო მასალა და მონაწილე გოგონათა ფოტოსურათები. სწორედ აღნიშნული ფოტოების შედეგად ვლინდება გამარჯვებული კონკურსანტი ნომინაციაში "მის ინტერნეტი".
კომპანია იმიჯ ცენტრი მიმართავს კონკურსანტების მხარდამჭერებს და აცნობებს მათ, რომ ვებ გვერდი მალე აღადგენს ფუნქციონირებას. ხმის მიცემა აგრეთვე შესაძლებელია კონკურსანტების ფოტოების მოწონებით "მის საქართველო"-ს ფეისბუქის გვერდზე:

https://www.facebook.com/MissGeorgiaBeautyContest

გარდა ამისა, 21 იანვარიდან, მის საქართველოს ფეისბუქის გვერდზე ამოქმედდება ფოტოკონკურსის აპლიკაცია, სადაც აგრეთვე შესაძლებელი იქნება ხმის მიცემა და მონაწილეობის მიღება ინტერნეტ მომხმარებლის ფავორიტის გამოვლენის პროცესში.
წარმატებებს ვუსურვებთ "მის საქართველო"-ს კონკურსანტებს და გაცნობებთ, რომ ღონისძიების დასკვნითი შოუ გაიმართება იანვრის ბოლოს, რის შედეგადაც გამოვლინდება საქართველოს ყველაზე ლამაზი ქალის ტიტულის მფლობელი, რომელსაც მთავარ პრიზად გადაეცემა ახალი ავტომობილი Toyota RAV4 კომპანია "ტოიოტა ცენტრი თბილისი"-დან.