„აღსანიშნავია, რომ საქართველო რგეიონში არსებულ 22 ქვეყანას შორის ერთ-ერთ ლიდერ პოზიციაზეა ეკონომიკური ზრდის მიხედვით და ჩამორჩება მხოლოდ თურქმენეთს და მე მგონი გასაგებიცაა. ასევე ყირგიზეთს, უზბეკეთს. ასევე საინტერესოა ისიც, რომ ისეთ ევროპულ ქვეყნებში, როგორიც ბულგარეთია, წელს 1.7%-იანი ზრდაა მოსალოდნელი, უნგრეთში - 1.3%, რუმინეთში - 2%, თურქეთში - 3.%, ჩვენ იკი 5%-იანი ზრდა გვაქვს დაგეგმილი. დაღმასვლა გვქონდა გასულ წელს და ამაზე გავაკეთეთ განცხადებები. არსებობდა გარკვეული ობიექტური გარემოებები, რამაც განაპირობა ეკონომიკური შენელება და ეკონომიკა უბრალოდ არ არსებობდა საქართველოში, მოდით ასე ვთქვათ. ის ეკონომიკა, რასაც სააკაშვილი და მისი მთავრობა უწოდებდა, ეს იყო ხელოვნური სტიმულატორებით გაზრდილიზ'- განაცხადა ღარიბაშვილმა.
პრემიერ-მინისტრის განმარტებითვე, ეკონომიკის შენელება ძირითადად ორ კვარტალში იყო შესამჩნევი.
„შენელება პირველ ორ კვარტალში იყო შესამჩნევი, რადგან ჩვენ გვყავდა სააკაშვილი, რომელიც მთელს მსოფლიოში იძახდა, რომ საქართველოს ჰყავდა დესტრუქციული მთავრობა და როგორ გინდა, ასეთ დროს ინვესტორი დაარწმუნო, რომ ჩადოს საქართველოში ინვესტიცია. ოქტომბერსა და ნოემბერში ჩვენ სერიოზული გამოცოცხლება გვქონდა და ასეთ პირობებში, წელს დაგეგმილი 5%-იანი ეკონომიკური ზრდა აბოსლუტურად რეალურია", - აღნიშნა ღარიბაშვილმა.