საქართველოს ექს-პრემიერ მინისტრმა ვანო მერაბიშვილმა სასამართლო სხდომა პროტესტის ნიშნად დატოვა.
მერაბიშვილის პროტესტი მოსამართლის აცილების შუამდგომლობის დაუკმაყოფილებლობა გახდა.
სხდომის დატოვებამდე მერაბიშვილმა განაცხადა, რომ ციხის კადრები შსს-მ, მისი ინფორმაციით, უკვე წაშალა.
"მაქვს ინფორმაცია, რომ კადრები რომელიც ჩემი ციხიდან გაყვანას ასახავა, სად-ის მიმართულებით, უკვე წაშლილია. წაშალეს გარე პერიმეტრზე და ქუჩის სათვალთვალო კამერების მასალაც, თუმცა ხელისუფლებას ადრე თუ გვიან მოუწევს პასუხისგება", - განაცხდა მერაბიშვილმა.
მან მოსამართლე ხათუნა ხარჩილავას მიმართა, რომ მანაც კარგად იცის მისი განცხადების კავშირი დღევანდელ პროცესთან და სასამართლო დარბაზიდან გავიდა.
