2013 წლის განმავლობაში Apple-ს გენერალურმა დირექტორმა ტიმ კუკმა 4,25 მლნ დოლარი გამოიმუშავა.
როგორც უცხოური მედია იტყობინება, 2013 წელს კუსის საბაზისო ხელფასი 1,4 მლნ დოლარი იყო, ხოლო დარიცხულმა ბონუსებმა კი 2,8 მლნ დოლარი შეადგინა. აღსანიშნავია, რომ 2012 წელს კუკმა 4,2 მლნ დოლარი გამოიმუშავა.
Apple-ს დოკუმენტაციაში ასევე გაწერილია, რომ კომპანიის ტოპ-მენეჯერებმა კომპენსაციის სახით 2,6 მლნ დოლარი მიიღეს.
როგორც უცხოური პრესა იტყობინება, 28 თებერვალს Apple-ს აქციონერთა კრებაა ჩანიშნული, სადაც ინვესტორ კარლ იკანას შეთავაზებაზე მოხდება მსჯელობა. კარლ იკანას სურვილი აქვს, რომ 2014 წლისთვის „ჩაკბეჩილი ვაშლის" 50 მლნ დოლარის ღირებულების აქციების მფლობელი გახდეს.
მასალის გამოყენების პირობები
