დიდი ბრიტანეთის პარლამენტის თემთა პალატაში კენჭი უყარეს საკითხს ბრექსიტის გადავადების შესახებ. ბრიტანეთის ევროკავშირიდან გასვლის თარიღის გადავადებას 412-მა დეპუტატმა დაუჭირა მხარი, ხოლო 202 წინააღმდეგ წავიდა.
იმისათვის, რომ ბრექსიტი გადავადდეს, საჭიროა ევროკავშირის და წევრი სახელმწიფოების თანხმობა.
შეგახსენებთ, რომ მანამდე ბრიტანეთის პარლამენტმა მხარი არ დაუჭირა ქვეყნის ევროკავშირიდან შეთანხმების გარეშე გასვლას.
ბრიტანეთის პარლამენტმა უარყო ასევე პრემიერ-მინისტრის ტერეზა მეის მიერ წარდგენილი ბრექსიტის ახალი შეთანხმება, რომელსაც მან ევროკავშირთან ხანგრძლივი მსჯელობის შედეგად მიაღწია.
დღეს არსებული შეთანხმებით გაერთიანებული სამეფო ევროკავშირს 29 მარტს დატოვებს.
