დღეს, 20 თებერვალს, 12:00 საათზე, სასტუმრო "რედისონში~ დასრულდება პირველი ეროვნული კონფერენცია "თამბაქო ან ჯანმრთელობა~.
ორდღიანი კონფერენცია მიზნად ისახავს, თავი მოუყაროს საქართველოში არსებულ სამეცნიერო და პრაქტიკულ პოტენციალს თამბაქოს სფეროში, აგრეთვე რელევანტურ გამოცდილებას უცხოეთში, რათა განამტკიცოს მძლავრი თამბაქოს კონტროლის ღონისძიებები ჩვენს ქვეყანაში.
კონფერენციაში მონაწოლეობენ საქართველოს შრომის, ჯანმრთელობისა და სოციალური დაცვის მინისტრი ალექსანდრე კვიტაშვილი, საქართველოს განათლებისა და მეცნიერების მინისტრი დიმიტრი შაშკინი, საქართველოს პირველი ლედი სანდრა-ელისაბედ რულოვსი, საქართველოს პარლამენტის ჯანმრთელობისა და სოციალურ საკითხთა კომიტეტის თავმჯდომარე ოთარ თოიძე და ასევე სხვადასხვა მეცნიერი და პრაქტიკოსი.
კონფერენციის ორგანიზატორები არიან საქართველოს შრომის, ჯანმრთელობისა და სოციალური დაცვის სამინისტრო; საქართველოს განათლებისა და მეცნიერების სამინისტრო; ლ. საყვარელიძის სახელობის დაავდებათა კონტროლისა და საზოგადოებრივი ჯანმრთელობის ეროვნული ცენტრი; ეროვნული სასწავლო გეგმებისა და შეფასების ცენტრი.
კონფერენციის დონორები არიან ტუბერკულოზის და ფილტვის დაავადებათა საერთაშორისო კავშირი; ბლუმბერგის ინიციატივა თამბაქოს მოხმარების შემცირებისთვის.
პირველი ეროვნული კონფერენცია "თამბაქო ან ჯანმრთელობა" 19 თებერვალს გაიხსნა.
