უკრაინის უზენაესმა სასამართლომ საქართველოს მესამე პრეზიდენტისა და ოდესის ოლქის ყოფილი გუბერნატორის, მიხეილ სააკაშვილის პოლონეთში გაძევება კანონიერად ცნო. ამის შესახებ ნათქვამია უკრაინის უზენაესი სასამართლოს მიერ გავრცელებულ პრესრელიზში.
უზენაესმა სასამართლომ არ დააკმაყოფილა მიხეილ სააკაშვილის სასარჩელო მოთხოვნა, სასაზღვრო სამსახურის ადმინისტრაციის, სახელმწიფო მიგრაციის სამსახურისა და შინაგან საქმეთა სამინისტროს ქმედებების უკანონოდ აღიარების შესახებ.
აღნიშნულია, რომ უკრაინის უზენაესი სასამართლოს გადაწყვეტილება საბოლოოა და გასაჩივრებას არ ექვემდებარება.
მიხეილ სააკაშვილი უკრაინიდან პოლონეთში 2018 წლის 12 თებერვალს გააძევეს.