29-ე დღეა ჯანდაცვის სამინისტროსთან პროტესტი გრძელდება. დევნილები ჯანდაცვის სამინისტროს კომისიის წევრებს, რომლებიც ფართების განაწილების საკითხს სწავლობენ, კორუფციაში ადანაშაულებენ. ისინი მოითხოვენ, შეიქმნას ახალი კომისია და ბინებით დროულად დაკმაყოფილდნენ. დევნილები არ გამორიცხავენ დავა სასამართლოში გაგრძელონ.
აქციის მონაწილეები ამბობენ, რომ ისინი ან ბინებით დააკმაყოფილონ, ან წერილობით უპასუხონ რატომ არ ეკუთვნით ბინა.
დევნილები შიმშილობის განახლებას აანონსებენ.
ცნობისთვის, უკვე 29-ე დღეა იძულებით გადაადგილებულები ბინებს ითხოვენ და სამინისტროს შენობაში აქციას მართავენ. გარდა ამისა, აქციის მონაწილეების ნაწილმა სამინისტროსთან კარავი გაშალა.