- მსოფლიო 05 ოქტომბერი 2019, 22:53
ედინბურგის ქუჩებში ათასობით შოტლანდიელი დამოუკიდებლობის მოთხოვნით გამოვიდა
ედინბურგის ქუჩებში ათასობით შოტლანდიელი დამოუკიდებლობის მოთხოვნით გამოვიდა. იტყობინება BBC-ი.
აქციის ორგანიზატორები ირწმუნებიან, რომ მსვლეობაში დამოუკიდებლობის მოთხოვნით, დაახლოებით 200 000 ადამიანი იღებდა მონაწილეობას.
მანამდე შოტლანდიის პირველმა მინისტრმა ნიკოლა სტარჯონმა მიკრობლოგ ტვიტერზე დაწერა, რომ მსვლელობას ვერ დაესწრებოდა, თუმცა უერთდება შოტლანდიელთა მოთხოვნას დამოუკიდებლობაზე.
"ეჭვი არავის შეგეპაროთ, დამოუკიდებლობა მალე მივიღებთ", - დასძინა მან.
2014 წელს შოტლანდიაში დამოუკიდებლობის შესახებ პირველი რეფერენდუმი გაიმართა, სადაც მოქალაქეების უმეტესობამ, 55%-მა გაერთიანებულ სამეფოში დარჩენა ისურვა.
2016 წლის ზაფხულში დიდი ბრიტანეთის ევროკავშირიდან გასვლის რეფერენდუმში, შოტლანდიელთა 62%-მა მხარი დაუჭირა ქვეყნის ევროკავშირში დარჩენას.
Good luck to everyone marching for independence in Edinburgh later. I’m not able to be there in person today, but I will be with you in spirit. Have a great day. And be in no doubt - independence is coming. #indyref
— Nicola Sturgeon (@NicolaSturgeon) October 5, 2019
