რუსეთში იმეორებენ, რომ საქართველო მათ უკანა ეზოშია. თუმცა, რატომ არავინ ამბობს, რომ რუსეთიც საქართველოს უკანა ეზოში გამოდის? - არ ვიცი. რატომ უნდა ასრულებდეს საქართველო რუსეთის სურვილებს? ქართველებმა საკუთარი სურვილები უნდა შეასრულონ, - ამბობს "ამერიკის ხმასთან" ინტერვიუში ჟურნალისტი, ავტორი და მკლევარი დევიდ სატერი.
მისი თქმით, რუსეთი საქართველოს წინააღმდეგ განხორციელებული აგრესიული ქმედებებით -ე.წ. საზღვარზე ღობეების გავლებითა თუ ადამიანების გატაცებით, ცდილობს შეინარჩუნოს უწყვეტი ზეწოლა, რადგან მას სურს ისეთი ქვეყნები, როგორიც საქართველოა, მზად იყვნენ რუსეთის სურვილების შესასრულებლად.
"ისინი ხშირად იმეორებენ, რომ საქართველო მათ უკანა ეზოშია. თუმცა, რატომ არავინ ამბობს, რომ რუსეთიც საქართველოს უკანა ეზოში გამოდის? - არ ვიცი. რატომ უნდა ასრულებდეს საქართველო რუსეთის სურვილებს? ქართველებმა საკუთარი სურვილები უნდა შეასრულონ. ეს ზეწოლა მიზნად ისახავს საქართველოს შეშინებას, რათა მათ უფრო მეტად გაითვალისწინონ ის, თუ რა უნდა რუსეთს. რუსეთის ზეწოლა მიზნად ისახავს საქართველოს შეშინებას რათა მათ უფრო მეტად გაითვალისწინონ ის, თუ რა უნდა რუსეთს“, - ამბობს სატერი და აღნიშნავს, რომ რუსეთს სურს პოსტსაბჭოთა ტერიტორიაზე დომინირება და ეს ნიშნავს საქართველოზე დომინირებას.
"ისინი მონდომებულნი არიან, რომ ქართველები შეინარჩუნონ, დააშინონ ისინი და კონტროლის ქვეშ ჰყავდეთ. მათ სურთ პოსტ-საბჭოთა ტერიტორიაზე დომინირება და ეს ნიშნავს საქართველოზე დომინირებას. მათ არ სურთ, რომ ამ ტერიტორიაზე იყოს დამოუკიდებლობის და დემოკრატიის მაგალითი, და რომ რუსმა ხალხმა ეს შეამჩნიოს“, - ამბობს სატერი.