15 აგვისტოს, 10:00 საათზე, ბათუმის მუნიციპალიტეტის მერიაში გაიმართება საჯარო განხილვა „ქალაქ ბათუმის გარკვეული ტერიტორიისათვის განაშენიანების რეგულირების გეგმის დამტკიცების თაობაზე“ - ,,რივიერას“ პროექტის შესახებ.
აღნიშნულ საკითხზე დადგენილების პროექტის მოსამზადებლად ადმინისტრაციული წარმოება ქ. ბათუმის მუნიციპალიტეტის საკრებულოს 16 ივლისს მიღებული განკარგულებით დაიწყო, რომლითაც ქალაქ ბათუმის მერიას დაევალა უზრუნველყოს დადგენილების პროექტის მომზადება და ბათუმის საკრებულოსთვის დასამტკიცებლად წარდგენა. ადმინისტრაციული წარმოება დაწყებულია შპს „ბათუმი-რივიერას“ მოთხოვნის საფუძველზე.
საჯარო განხილვის მიზანია დაინტერესებული პირების მხრიდან საკუთარი მოსაზრებების წარდგენა განაშენიანების რეგულირების გეგმის დამტკიცების თაობაზე ქ. ბათუმში, იაკობ გოგებაშვილის ქუჩასა და ზღვის სანაპიროს შორის მდებარე ტერიტორიაზე არსებული მიწის ნაკვეთებზე (საკადასტრო კოდები: N05.21.01.031; N05.21.01.030; N05.21.01.029; N05.21.01.018; N05.21.20.079; N05.21.20.070; N05.21.20.071; N05.21.20.084; N05.21.20.082; N05.21.21.015; N05.21.20.053; N05.21.20.076; N05.21.20.056; N05.21.20.087).
პროექტის საჯარო განხილვაში მონაწილეობა შეუძლია ყველა დაინტერესებულ პირს. საჯარო განხილვისას პროექტის თაობაზე თავიანთი მოსაზრებებისა და შენიშვნების დაფიქსირების საშუალება ყველა მსურველს ექნება.