ბოლო წლებში კახეთში ღვინის ტურიზმის ინფრასტრუქტურის განვითარებამ განსაკუთრებით გაზარდა მოთხოვნა მცირე სასტუმროებზე თელავსა და რეგიონის სხვა ქალაქებში. თელავის ისტორიულ ნაწილში მდებარე სასტუმრო „არგე“ მფლობელებმა რუსეთიდან ტურისტული ნაკადის ზრდის პერსპექტივის გათვალისწინებით ააშენეს. 20 ივნისის მოვლენებმა მათ გეგმებში სასტუმროს განვითარების შესახებ ცვლილება შეიტანა.
სასტუმროს ერთ-ერთი მფლობელის ელენე პაპუნაშვილის განცხადებით, რუსი ტურისტების გარეშე სასტუმროს შემოსავალი მკვეთრად შემცირდა, შედეგად, მათ არა მხოლოდ ვერ მიიღეს პროგნოზირებული შემოსავალი, არამედ საბანკო სესხის გადახდის საფრთხის წინაშეც დადგნენ.
ელენე პაპუნაშვილის განცხადებით, რუსეთიდან შემოსული ტურისტების რაოდენობამ ძალიან ნეგატიური გავლენა მოახდინა სასტუმროს შემოსავლებზე. „შემოსავლები, რომლებსაც ჩვენ ველოდებოდით ამ სეზონზე განსაკუთრებით, რუსი ტურისტების მომსახურების სანაცვლოდ, გათვლილი იყო როგორც ბანკის სესხის გადასაფარად ასევე იმისათვის, რომ მოხმარებოდა სასტუმროს განვითარებას. ყველა ეს გეგმა, ფაქტობრივად შეჩერებულია.
