ევროკავშირის ქვეყნების ლიდერებმა მსოფლიო ბანკის აღმასრულებელი დირექტორი კრისტალინა გეორგიევა საერთაშორის სავალუტო ფონდის მმართველი დირექტორის პოსტზე წარადგინეს.
ხანგრძლივი მოლაპარაკებებისა და კენჭისყრის ორი რაუნდის შემდეგ, კრისტალინა გეორგიევამ მოიპოვა ევროკავშირის ყველა წევრის მხარდაჭერა და დაამარცხა ჰოლანდიელი მეტოქე, ნიდერლანდების ყოფილი ფინანსთა მინისტრი.
კრისტალინა გეორგიევა მსოფლიო ბანკის აღმასრულებელ დირექტორად 2017 წლიდან მუშაობდა.
ევროკომისიის მოქმედმა პრეზიდენმტა ჟან-კლოდ იუნკერმა მიკრობლოგ "ტვიტერზე" გეორგიევას მიულოცა ევროკავშირის ნომინირება და აღნიშნა, რომ ის აღჭურვილია ყველა იმ თვისებითა და კვლიფიკაციით, რაც საჭიროა სავალუტო ფონდის მისიის განსახორციელებლად.
შეგახსენებთ, ივლისის დასაწყისში ევროკავშირის ლიდერებმა საერთაშორისო სავალუტო ფონდის მამრთველი დირექტორი კრისტინ ლაგარდი ევროპის ცენტრალური ბანკის პრეზიდენტის თანამდებობაზე წარადგინეს. ნომინირების შემდეგ კრისტინ ლაგარდმა სავალუტო ფონდის დირექტორთა საბჭოს თანამდებობიდან წასვლის განცხადებით მიმართა.
ევროპის ცენტრალური ბანკის ახალ ხელმძღვანელს ოქტომბერში აირჩევენ.
საერთშორისო სავალუტო ფონდს, სათაო ოფისით ვაშინგტონში, 189 წევრი ქვეყანა ჰყავს. 1945 წლიდან, მას შემდეგ, რაც ფონდი შეიქმნა, მას ყოველთვის ევროპელი მმართველი დირექტორი ჰყავს.
