ევროსაბჭოს საპარლამენტო ასამბლეის ზაფხულის სესიაზე ორგანიზაციის ახალი გენერალური მდივანი აირჩიეს.
კენჭისყრაზე ხმების უმრავლესობა ხორვატიის ყოფილმა საგარეო საქმეთა მინისტრმა, მარია პეიჩინოვიჩ-ბურიჩმა მოიპოვა.
ევროსაბჭოს გენერალური მდივნის თანამდებობაზე ბურიჩთან ერთად, ბელგიის ვიცე-პრემიერი დიდიე რეინდერსიც იყრიდა კენჭს.
ამ თანამდებობაზე, მარია პეიჩინოვიჩ-ბურიჩი 5 წლის ვადით, 2024 წლამდე აირჩიეს.
ახალი გენერალური მდივანი უფლებამოსილების განხორციელებას 2019 წლის შემოდგომიდან შეუდგება. იგი ამ თანამდებობაზე ტორბიორნ იაგლანდს შეცვლის, რომელიც 2009 წლიდან (2014 წელს მეორედ აირჩიეს) იკავებს გენერალური მდივნის პოზიციას.