ჟურნალმა Forbes-მა 2018 წლის ყველაზე გავლენიანი ქალების რეიტინგი გამოაქვეყნა. რეიტინგის სათავეში, გასული წლის მსგავსად, კვლავაც, გერმანიის კანცლერი ანგელა მერკელი მოხვდა. ანგელა მერკელი უკვე მერვე წელია მსოფლიოს ყველაზე გავლენიანი ქალების ათეულშია.
მეორე ადგილი დიდი ბრიტანეთის პრემიერ-მინისტრმა ტერეზა მეიმ დაივაა, ხოლო მესამე ადგილი კი საერთაშორისო სავალუტო ფონდის დირექტორმა კრისტინ ლაგარდმა.
მე-4 ადგილი - მარია ბარა - უმსხვილესი ამერიკული საავტომობილო კორპორაციის „ჯენერალ მოტორსის“ აღმასრულებელი დირექტორი;
- აბიგაილ ჯონსონი - ფინანსური კორპორაციის „Fidelity Investments-ის“ დამფუძნებელი;
- მელინდა გეითსი - ბილ და მელინდა გეითსების ფონდის თანათავმჯდომარე;
- სიუზან უოჯკიკი - „იუთუბის“ აღმასრულებელი დირექტორი;
- ანა ბოტინი - ესპანური კომერციული ბანკის „Banco Santander-ის“ თავმჯდომარე;
- მერლინ ჰიუსონი - ამერიკული სამხედრო-ინდუსტრიული კორპორაციის „Lockheed Martin-ის“ აღმასრულებელი დირექტორი;
- ჯინი რომეტი - IBM, კომპიუტერული ტექნიკისა და პროგრამული უზრუნველყოფის მწარმოებელი ამერიკული კორპორაციის აღმასრულებელი დირექტორი.
მსოფლიოს ყველაზე გავლენიანი ქალების რეიტინგში, ასევე, მოხვდნენ ამერიკელი ტელეწამყვანი ოპრა უინფრი, გაერთიანებული სამეფოს დედოფალი ელიზაბეტ მეორე, დონალდ ტრამპის შვილი ივანკა ტრამპი, ლიეტუვის პრეზიდენტი დალია გრიბაუსკაიტე და სხვები.