თარიღი    დრო

„მუშა, რომელიც ჯერ არ მომკვდარა, მე ვარ“ - თბილისში საპროტესტო აქცია მსვლელობა მიმდინარეობს

საქართველო, თბილისი - 18:36 02.23.2018 462

„მუშა, რომელიც ჯერ არ მომკვდარა, მე ვარ“, - ამ ლოზუნგით, თბილისში, ვარდების მოედნიდან პარლამენტის მიმართულებით, საქართველოს პროფესიული კავშირების გაერთიანების ორგანიზებული აქცია მსვლელობა მიმდინარეობს.

აქციის მონაწილეების მოთხოვნაა, შეიქმნას ქმედითი შრომის ინსპექცია და დაწესდეს მაღალი სტანდარტების რეგულაციები.

აღსანიშნავია, რომ მსვლელობაში საქართველოს სხვადასხვა რეგიონიდან ჩამოსული მოქალაქეები მონაწილეობენ, რომლებიც აქციაზე სიმბოლურად, მუშებისთვის განკუთვნილი ჩაფხუტებით და დროშებით მივიდნენ.

აქციაზე გაჟღერდა, რომ  ერთი მუშა 21 იანვარს, „პანორამა თბილისის“ გოლფის კლუბის მშენებლობისას დაიღუპა.

როგორც პროფესიული კავშირების გაერთიანების ხელმძღვანელი, ირაკლი პეტრიაშვილი განმარტავს, არ შეიძლება სიხარბით და ველური კაპიტალიზმით შენდებოდეს ქვეყანა.

„ეკონომიკური პარამეტრებიც, ბიუჯეტის სიმცირეც, საზოგადოების სიდუხჭირეც მიუთითებს იმაზე, რომ მართალი ვიყავით“, – განაცხადა პეტრიაშვილმა.

 




komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 86.2%
შემცირდა 11.1%
არ შეცვლილა 2.7%