ციანიდის საქმეზე ბრალდებულ გიორგი მამალაძის ერთ-ერთმა ადვოკატმა, მიხეილ რამიშვილმა ,,ჯი-ეიჩ-ენს"განუცხადა, რომ პროკურატურას აქვს კიდევ ერთი მცდელობა, უკანონობა კიდევ ერთი უკანონობით გადაფაროს.
,,ეს ადამიანი, ვისზეც არის საუბარი პროკურატურის მოწმეა. მას ჩვენება აქვს მიცემული, წინასწარი გამოძიების დროსაც და სასამართლოშიც და მას ციანიდთან არანაირი შემხებლობა ჰქონია, არანაირი შესყიდვა არ მომხდარა, როგორც ამას პროკურატურა აცხადებს. ეს არის რიგითი სპექტაკლის მცდელობა, პირდაპირ მოვუწოდებ, რომ ფსიქოლოგიურ ზეწოლას არ შეუშინდეს, რადგან აუცილებლად ეცდებიან ამას, მაგრამ დარწმუნებული ვარ, ის სიმართლე ბოლომდე დაუდგება. თანხაზე ნამდვილად იყო საუბარი, რადგან ამ კაცს ვალი ჰქონდა და მამა გიორგის გასტუმრებაში დახმარება სთხოვა. მათ უნდათ, ყველაფერი ციანიდს მიაბან", - განაცხადა ადვოკატმა tv1-ის მიერ მოპოვებული ინფორმაციის კომენტირებისას.
ე.წ. ციანიდის საქმის პროკურორი ჯარჯი წიკლაური "პრაიმ ტაიმთან" ინტერვიუში საქმის ახალ დეტალებზე საუბრობს და აცხადებს, რომ გამოკვეთილია კონკრეტული პირი, რომელთანაც დეკანოზი გიორგი მამალაძე გერმანიაში წასვლის წინ აწარმოებდა მოლაპარაკებას, "რაღაცის შესაძენად". წიკლაურის განცხადებით, აღნიშნული პირი მამალაძის გერმანიაში გამგზავრებამდე დმანისში იმყოფებოდა. გავრცელებული ინფორმაციით, აღნიშნული პირი დეკანოზ მამალაძის სიძე, ლაშა დვალიშვილია.