ჩემი პოზიცია იქნება, რომ არ დავაფინანსოთ ეს [Gem Fest] ღონისძიება, - ამის შესახებ ეკონომიკისა და მდგარდი განვითარების მინისტრმა გიორგი გახარიამ ჟურანლისტებს განუცხადა.
მისი თქმით, მიმდინარე წელს Gem Fest-ის 1 900 000 ლარის ნაცვლად, 4 მილიონით დაფინანსება მენეჯმენტის ხარვეზები იყო.
მინისტრის განცხადებით, 2018 წელსაც გაგრძელდება ტურიზმის მხარდაჭერა, თუმცა რა სახის პროგრამებით მოხდება ეს, მოგვიანებით დაზუსტდება.
მან აქვე აღნიშნა, რომ პროქტი Check in Georgia დიდი ალბათობით გაგრძელდება, მაგრამ მის ეფექტურობაზე სერიოზული მსჯელობა იქნება.
„ამ პროექტის ფარგლებში კერძო სექტორის მონაწილეობის ხარისხი მნიშვნელოვნად გაიზარდა. თუ ადრე არ იყო, წელს გაჩნდა. ჩვენი ამოცანა მარტივია, რომ Check in Georgia-სა და მსგავს პროგრამებში შემცირდეს სახელმწიფოს და გაიზარდოს კერძო სექტორის წილი, რასაც ვაკეთებთ“, - განაცხადა გიორგი გახარიამ.