"ჩვენ არ შეგვიძენია კომპანია "ცენტრ პოინტი" და არც ვართ დაინტერესებული მისი შეძენით", - ამის შესახებ სამშენებლო კომპანია m2-ის წარმომადგენელმა, დავით გოილაძემ განაცხადა.
თუმცა, მისივე თქმით, M2 აქვს შესაძლებლობა, ჩაერთოს პროცესში, რომელიც დაზარალებული ბინათმესაკუთრებისთვის ბინების მიღებას ითვალისწინებს.
"ჩვენ არ შეგვიძენია კომპანია "ცენტრ პოინტი" და არც ვართ დაინტერესებული მისი შეძენით. თუმცა M2 აქვს შესაძლებლობა, ჩაერთოს პროცესში, რომელიც დაზარალებული ბინათმესაკუთრებისთვის ბინების მიღებას ითვალისწინებს. თუ როგორ შეიძლება ჩაერთოს კომპანია ამ პროცესში, ხედვა დღეს უკვე გავაცანით დაზარალებულებს, ასევე, პროცესში ჩართულ სხვა მხარეებს, ჯერჯერობით არანაირი გადაწყვეტილება ამასთან დაკავშირებით მიღებული არ არის. სხვა დამატებით კომენტარს ამ ეტაპზე ვერ გავაკეთებთ", - განაცხადა დავით გოილაძემ.