ამერიკის შეერთებული შტატების ახალი ადმინისტრაციის პირობებში, პირველი სამი თვის განმავლობაში, პრეზიდენტიც, ვიცე-პრეზიდენტიც და სახელმწიფო მდივანიც შეხვდნენ საქართველოს პრემიერ-მინისტრს, რაც არის იმის საკუეთესო გამოხატულება, თუ რა დიდი მნიშვნელობა ენიჭება საქართველოს მთლიანობისა და სუვერენიტეტის დაცვას, - ამის შესახებ საქართველოში ამერიკის შეერთებული შტატების ელჩმა აინ კელიმ ჟურნალისტებს განუცხადა.
მისივე თქმით, აშშ კიდევ უფრო ჩაერთვება იმ პროგრამებსა და პროექტებში, რომელიც მიმართულია საქართველოს სუვერენიტეტის და მთლიანობის დაცვის კუთხით.
„გარდა ამისა, თქვენ კიდევ იხილავთ ჩვენს კიდევ უფრო მეტ ჩართულობას ამ მიმართულებით. ვგულისხმობ იმ პროგრამებს და პროექტებს, რომელიც მიმართულია საქართველოს სუვერენიტეტის და მთლიანობის დაცვის კუთხით, მისი უნარის განმტკიცებით, რომ შესძლოს საკუთარი ტერიტორიების დაცვა. ვფიქრობ, რომ აშშ-ის დღის წესრიგში საკმაოდ მნიშვნელოვანი და მოწინავე ადგილი უკავია საქართველოს ამ საკითხს. ზოგადად, საერთაშორისო ასპარაზე საქართველოს და ასევე უკრაინის საკითხი დღის წესრიგში ფართოდ განიხილება“,- განაცხადა იან კელიმ.
