,,თავისუფალი დემოკრატების” ერთ-ერთი ლიდერის ზურაბ აბაშიძისთვის გაუგებარია გიორგი კვირიკაშვილის საგარეო საქმეთა მინისტრად გადაყვანა იმ ფონზე, როცა ქვეყნის ეკონომიკაში უამრავი პრობლემა არსებობს.
,,ქვეყნის ეკონომიკაში უამრავი პრობლემაა და კვირიკაშვილის საგარეო საქმეთა მინისტრად გადაყვანა გაუგებარია, ვერ ვხვდები. საერთოდ კვირიკაშვილის მიმართ დამოკიდებულება გასაოცარი იყო, ან მადლობა ეთქვათ, ან ის რომ არ იმუშავა. რა მთავრობაც გვყავს, ის სამთავრობო ცვლილებებია. ამ მთავრობის ნდობა საზოგადოებაში ძალიან დაბალია და ვერანაირი ცვლილებები ამას ვერ უშველის”, -განაცახდა აბაშიძემ.
კითხვაზე - რას მიანიშნებდა ყოფილი ეკონომიკის მინისტრის მხრიდან აქცენტის გაკეთება ევრაზიული სივრცის ათვისების თაობაზე, დეპუტატი განმარტავს:
,,თუ მთავრობა საგარეო პოლიტიკურ კუსთან დაკავშირებით ცვლილებებს გეგმავს, ღიად თქვას”, _განაცხადა აბაშიძემ.
შეგახსენებთ, რომ სამთავრობო გუნდში პრემიერმა ირაკლი ღარიბაშვილმა მორიგი სამთავრობო ცვლილებები განახორციელა. საგარეო საქმეთა მინისტრის პოსტს უკვე ყოფილი ეკონომიკისა და მდგრადი განვითარების მინისტრი გიორგი კვირიკაშვილი დაიკავებს, ხოლო კვირიკაშვილს ყოფილი ვიცე-მერი დიმიტრი ქუმსიშვილი შეცვლის.
