საქართველოს პრეზიდენტი საერთაშორისო სავაჭრო პალატის მეცხრე საკონსულტაციო საბჭოს შეხვედრას სპეციალური სტუმრის სტატუსით დაესწრო.
"ჩვენს ქვეყანას პოზიტიური დინამიკა აქვს ეკონომიკური განვითარების. ევროკაშვირთან საქართველომ თავისუფალი ვაჭრობისა და ასოცირების ხელშეკრულებებს მოაწერა ხელი ეს ხელს უწყობს ინვესტიციებს. ჩვენ ქვეყანას ძალიან კარგი სტრატეგიული მდებარეობა აქვს, რაც ქვეყნის ეკონომიკურ მდგომარეობას ზრდის,"- განაცხადა გიორგი მარგველაშვილმა.
შეხვედრა სასტუმრო "თბილისი მარიოტში" მიმდინარეობს. საერთაშორისო სავაჭრო პალატაში აცხადებენ, რომ შეხვედრა დაეთმობა "იბიარდის", საერთაშორისო სავალუტო ფონდისა და ევროკავშირის დელეგაციის ხელმძღვანელების პრეზენტაციებს.
შეხვედრას ესწრება საქართველოს საერთაშორისო სავაჭრო პალატის თავმჯდომარე ფადი ასლიც, რომელიც ფიქრობს, რომ ეროვნული ვალუტის გაუფასურება ეროვნული ბანკის ბრალი არ არის.
შეხვედრაზე იმყოფება TBC ბანკის სამეთვალყურეო საბჭოს თავმჯდომარე მამუკა ხაზარაძეც. ფადი ასლის მსგავსად ისიც ფიქრობს, რომ ეროვნული ვალუტის გაუფასურება არც ეროვნული ბანკის და არც კომერციული ბანკების მიერ არ არის გამოწვეული და ეს ქვეყნის ეკონომიკური მდგომარეობის ბრალია.
