საქართველოს პრეზიდენტის გიორგი მარგველაშვილის განცხადებით, ძალიან სერიოზულად უნდა იყოს განხილული განსხვავებულთა მიმართ აგრესიის შემთხვევები, რადგან ეს ძალიან საშიშია საქართველოსნაირი ქვეყნისთვის.
,,შემაშფოთებელი იყო და არის აგრესია განსხვავებულთა მიმართ, იქნება ეს აგრესია განსხვავებული სქესის წარმომადგენლის მიმართ, განსხვავებული რელიგიის წარმომადგენლის მიმართ ან განსხვავებული ეთნიკური წარმოშობის ადამიანების მიმართ. მსგავსი ფაქტები სახელმწიფოებრივად ძალიან საშიშია საქართველოსნაირი ქვეყნისთვის. არა მარტო ადამიანის უფლებათა დაცვის ლოგიკიდან და ღირებულებებიდან გამომდინარე, არამედ სახელმწიფოს უსაფრთხოების, ჩვენი საზოგადოების და პოლიტიკური სისტემის მდგრადობის ინტერესებიდან გამომდინარე ასეთი შემთხვევები ძალიან სერიოზულად უნდა იქნას განხილული”, - განაცხადა პრეზიდენტმა სასტუმრო "ქორთიარდ მარიოტში" სახალხო დამცველის აპარატის მიერ ორგანიზებულ ადამიანის უფლებათა დაცვის საკითხებზე გამართულ დებატებზე.
