ეკონომიკისა და მდგრადი განვითარების სამინისტროს შენობაში მაღალი დონის სასტუმროს განთავსება იგეგმება. შენობა ეკონომიკის სამინისტრომ აუქციონზე უკვე გამოიტანა და მისი საწყისი ღირებულება 6 მლნ დოლარია.

თბილისში, ჭანტურიას ქუჩა N12-ში მდებარე 4210.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობის აუქციონი 26 ივნისისთვისაა ჩანიშნული.
აუქციონის პირობების მიხედვით კი მყიდველი ვალდებულია 2016 წლის 1-ელი იანვრიდან არაუმეტეს 36 თვის ვადაში, საპრივატიზებო   უძრავ ქონებაზე სასტუმროს (არანაკლებ 100 ნომრიანი) შექმნა (მათ შორის მშენებლობა ან/და რეკონსტრუქცია,  კანონით დადგენილი წესით ექსპლუატაციაში მიღება) და ფუნქციონირების დაწყება, უზრუნველყოს.

ასევე პირობებში წერია, რომ მყიდველის მიერ უზრუნველყოფილ იქნას აუქციონის დასრულებიდან 2015 წლის 31 დეკემბრის ჩათვლით  საპრივატიზებო უძრავი ქონებით, უსასყიდლოდ, გამყიდველის და გამყიდველის მიერ განსაზღვრული პირ(ებ)ის სარგებლობა.