„ჩვენ რკინიგზის გახსნის მომხრე ვართ",_ აცხადებს საქართველოს რკინიგზის აფხაზური მონაკვეთის გახსნაზე საუბრისას ოკუპირებული აფხაზეთის ე.წ. პრეზიდენტობის ერთ ერთი კანდიდატი რაულ ხაჯიმბა.
„დარწმუნებული ვარ რკინიგზა სახელმწიფოზე უნდა მუშაობდეს და ჩიხში შემყვანი არ უნდა იყოს. ამ რკინიგზაზე უნდა გაიარონ არა მხოლოდ სამგზავრო მატარებლებმა, არამედ ეშელონებმა, რომლებიც ჩვენ საშუალებას მოგვცემენ ტრანზიტის ფული მივიღოთ და ამით ჩვენი ბიუჯეტის ზრდის პირობები შევქმნათ',_ აცხადებს ხაჯიმბა რუსულ მედიასთან საუბარში ად აღნიშმნავს, რომ ამ პროცესს ქართული მხარე ეწინააღმდეგება.
„ჩვენ რკინიგზის გახსნის მომხრე ვართ და ასევე ვართ მომხრეები იმისა, რომ ამ რკინიგზამ აფხაზეთს დივიდენდები მოუტანოს, მაგრამ ეს მხოლოდ ჩვენზე არ არის დამოკიდებული. ქართული მხარე და მისი დასავლელი მფარველები თითქოს ამ სამუშაოს ჩატარების აუცილებლობას დეკლარირებენ, მაგრამ სინამდვილეში სრულებით ეწინააღმდეგებიან ამ პროცესს", _ აცხადებს ხაჯიმბა.
შეგახსენებთ, რომ რაულ ხაჯიმბა აფხაზეთის ე.წ. პრეზიდენტობაზე კენჭს სამჯერ იყრიდან და სამჯერვე წააგო.