დღეს, 28 ოქტომბერს, უკრაინაში უმაღლესი რადას არჩევნები იმართება. უკრაინელი ამომრჩევლები 450 პარლამენტარს, მათ შორის 225-ს პარტიული სიებით და 225-ს ერთდმანდატიან ოლქებში აირჩევენ.
ქვეყნის პრეზიდენტის ვიქტორ იანუკოვიჩის განცხადებით, უმაღლესი რადას არჩევნები უნდა გახდეს მორიგი ნაბიჯი ქვეყნის გაერთიანებისა და საზოგადოების დემოკრატიული ფასეულობების ირგვლივ კონსოლიდაციისკენ.
არჩევნებს სხვადასხვა საერთაშორისო ორანიზაციების, მათ შორის - ეუთოს, ევროსაბჭოს, ევროპარლამენტის, ნატოს და სხვა წარმომადგენლები დააკვირდებიან. სულ არჩევნებს 3797 საერთაშორისო დამკვირებელი დააკვირდება.
სოციოლოგები არჩევნებზე მაღალ - 70დან 75 პროცენტამდე აქტივობას ელიან.
წინასწარი მონაცემებით, რადაში მოხვედრის შანსი აქვს ხუთ პარტიას, რომლებიც სავარაუდოდ 5%-იან ბარიერს გადალახავენ. ესენი არიან - "რეგიონების პარტია", პარტია "უდარ", "ბატკივშინა", უკრაინის კომუნისტური პარტია და "თავისუფლება".
ამჟამად არსებული განლაგების მიხედვით, საპარლამენტო უმრავლესობის ფორმირებისთვის აუცილებელი იქნება საპარლამენტო კოალიციის შექმნა.
მასალის გამოყენების პირობები